الجمعة، 23 مايو 2008
هذا الي يبونه من حقوق المرأة ...!
اي هذا الي يبونه من حقوق المرأة ... الحريم بعد ما عطوهم حقوقهم كل وحده شاده حيلها و تبي تثبت انه المرأه الكويتية موجوده .. و منو قال لأ ! اثبتي وجودك عند ريلج و عيالج الا بالمجلس !! شنو تبين اتسوين يعني ؟؟؟ تبين تحرقين مستشفيات ثانية ؟ ولا اتطيحين التعليم بالقاع اذا الرياييل ما اقدروا ؟!!! الحريم شنو يبون يسوون ؟؟؟ المهم اهم الي يبونه من حقوق المرأه هذا !!!!!!!!!  بالله عليكم هذيله كفو مجلس اشخلوا حق الشباب والمراهقين ! طبعاً هذا الهدف من حقوق المرأة يبون وناسه بالمجلس و يبون تغير لمن تقعد بالمجلس ما اتشوف واحد لحيته لي ركبه ... او واحد شنبه جنهم خيوط لابجين و كله ريالييل رياييل ...ملل ها ؟ نظرية الشعر الي بالويه ما يبونها ..الجماعة يبون تغيير!!! يبون فرفشه بالمجلس ... يبون امثال اسيل العوضي ... يبون الleggiens طبعاً هذه النظرية غلط بالنسبه لكم ....! اشلون يفكرون جذي في حقوق المرأة و شكو يبون حريم بالمجلس علشان يخززون فيهم و يبون فرفشه بالمجلس ...وو وو وو انا كنت اقول نفس الكلام ...بــس! لمن بطلت الجريدة ابي اعرف نتايج المجلس مالقيت احد بس قام اشوف هذه الاصور!!  طبعا المنظر عجييب و جميل و حضاري و يليق في المرأة الكويتية طبعاً الدوريات اهم الي امقزرينها على بو نظام !!!  هذا شاف جم وحده راح كلمهم على طول ... ممنوع تركبون السيارة اهو ماكو شي ممنوع بس اهو قاط ويهه..الزبده يبي يكلمهم  يالله هذه حقوق المرأة ... تعطيها حقوقها طالع شنو اتسوي... و المشكله المصورين اهم الي امقزرينها يقول انا بتاع جريدة الراي و طايح تصور ببناتنا و يعطي صورتين حق الجريدة و الباجي حقه و ربعه .. و البنات مستانين بعدين يما حاطيني بالجريدة .. و الام اي يا بنيتي خلج قوية المرأة الكويتية قوية تتعلق بالسيايير نفس رجل الاخضر  عدل عدل ...هذه المصخره الي يبونها !! تطبل و ترقص و يقولونلي ماكو شباب او شرطة بالصورة البنات بروحهم صح!! ماكو احد بالصوره بس ما ادري منو امصور هذه الصوره وحاطها بالقبس !!! يدتيييييييييي !!!؟؟؟  اي اي ردونا قري ...تبون المرأة اتدش المجلس بعد الهنود ما سوو هذه الحركة !!! و انا باطين جبدي المصورين...محد يكلهم مصور يعني مو ريال ؟؟؟ يدش و يصور الي يبي محد يكلمه ؟؟؟  محد كاسر خاطري غير هذه !!! يا ابن الكاميرا ... اهيا اتغطي ويها علشان لا اتصورها ! شكو امصورها و حاطها بالجريدة ..عناد يعني ؟؟؟ ولا كاتبين بالجريدة مواطنه متوجهه الآن للتصويت غصب غصب يبون يحطون الصوره في جريدة القبس ..!! القبسة  هذه آخر صورة علشان اتصدقون كل كلامي !! 1- شوفوا المصري الي متغلغصبين الحريم و الرحيم ولا كأنه ريال بينهم 2-شكلها قام اتصارخ و اتغني ..ما ادري منو طالع عاد ... لا اترجعين بس 3-قام يصورونه ..ما ادري منو عاد مايكل جاكسون 4- طبعا صاحبنا هاد الرياييل و طالع حق الحريم !! و طبعا مستانس صاحبنا حددددده ...مو هذا الي يبونه من المجلس يتيمعون عليهم الحريم ................................................. هذه الصور الي انا طالعتها بالجريدة ... المفروض يحطون اسماء الفائزين مو تارسينلي الجريدة كله صور حريم !!! انزين صوره وحده حق الشباب ...ماكو ! و هذا الي قام اقوله انا .. يبون حقوق المرأة علشان لمن اتبطل الجريدة الصبح اتطالع الويوه الحلوه و اتطالع الجنس الناعم على قولتهم تنفتح نفسيتك ...و لمن تطلع بالشارع اتطالع البنات يوزعون صور و ورد و لمن اتدش المجلس في الوان ثانية مو كله لون ابيض اي هذا الي يبونه من حقوق المرأة ... ما يبون المرأة كلها يبون البعض منها حقوق المرأة الصيدة! |
posted by Mr.Objection at 4:47 م
اخوي مستر اوبجكشن .. اشكرك على موضوعك الراقي القيم صراحه و اللي الهدف منه تشويه صورة المرأه الكويتيه.. بس انا احب اقولك شي واحد ان كل من يرا الناس بعين طبعه. المرأه مو بس جسم و ترزز مثل ما انت شايف حضرتك.. المرأه تعرف شلون تحافظ على نفسها حتى لو كانت بين ألف رجل.. هذا اذا كانت محترمه نفسها.. فغصبا عن الكل يحترمونها. تثبت نفسها بالبيت بالعمل بالسياسه بغيره.. هذا شي متروك لها ومو انت اللي تحدد.. الله سبحانه كرم المراه و الدين الاسلامي حط لها مكانه كبيره.. ما حقرها و ما نظر لها النظره اللي انت تنظر لها فيها.. دام الرياييل ما قدروا يسوون شي بالمجلس اللي طاف. مافيها شي تشاركهم اختهم المراه سياسيا.. بكل احترام و بكل تحضر و رقي.. خو اهيا ماراح تدش المجلس امفصخه ولا لابسه مايوه.. بس العيوون الزايغه اللي مثل امثالك بس راح يشوفون الاتجاه السلبي لدخولها المجلس.. لايكون تبيها تدش امكمكمه من فوق لي تحت؟ تدعم بالأوادم يعني؟ صدقني حتى لو أسيل و غيرها يتغطون من فوق لي تحت راح تتم نظرتكم وصخه.. لأن الوصخ بفكره وصخ بنظرته للناس.. و بدال لا تقعد تدور لي صور الحريم بالجرايد روح توضا و صل لك ركعتين على الاثم اللي خذيته من سوء ظنك بالحريم.. المرأه اللي تشكل اكثر من نصف المجتمع اهيا امك و اختك و خالتك و عمتك و غيرها.. وقفت مع الرجل منذ آلاف السنين جنبا الى جنب في الغزوات و غيرها.. و صارت دكتوره و طبيبه و مهندسه و محاميه.. ماراح تعجز ان شاء الله عن انها تكون نائبة في المجلس. و اذا على الاختلاط فهو بكل مكان المجمعات و المطاعم و غيرها.. ولاننسى الغزو العراقي الغاشم.. ما قلتوا هاذي مرأه خلوها تقعد في البيت .. كاهي اطلعت مقاومه و حملت السلاح و استشهدت في سبيل رفع راية الوطن الغالي.. فلماذا اخي العزيز تستكثر عليها انها تمثل رأي الشعب عن طريق البرلمان؟ اعتقد ان هذا ظلم و هضم لحق المرأة.. اللي اهيا اكبر وايد من جذي و من انك تنظر لها هالنظره السلبيه و السيئه.
اذا انت حقاني خل الكومنت مالي و خل يشوفونه الناس بالكامل. شكرا