الأحد، 8 يونيو 2008
نور يغزو الكويت و بدون صدام؟؟
هذا نور عرفته من اهلي بعد تعذيب دام اسبوعين !!! قصتي قصة حزينة ... اشلون تعذبت و انا اعرف هذا نور !!؟ الله يسلمكم كنت توني بطلع من بيتنا جان اسمع الوالده اتقول : لالا نور نور الحين ...! انا بيني و بين نفسي : نور ؟ عبالي خدامتنا القديمة طنشت و طلعت بعد ما رديت من لعب كره و خسران و تعبان و مالي خلق شي دشيت البيت و قعد بالصالة ولا الاهل كلهم قاعدين يتعشون ... و انا بس اسمع نور نور نور نور نور نور نور نووووور !!! من التلفزيون نور نور نور .... من التكييف نور نور نور ...التلفون يرن نوررر نوررررررررررر انا عبالي قام يسولفون عن واحد مرشح روحه حق الانتخابات قلت خل اصعد فوق احسن لي ...مالي خلق سوالف الانتخابات و انا صاعد الدري و على طقات ريلي اسمع نور نور نور نور مع كل طقه نور نور نور نور نور نور نور !!! اليوم الثاني تيمعنا ببيت خالي .. ولا كل الاهل قاعدين يسولفون عن نور ! سوالف الاهل اييييييي شفتي نور ....يهبل هبولي اي اي بس الجلب ما باسها !! لالا بس دعاية بامبرز كانت وايد حلوة ! عندج نغمة نور ؟؟ اي سمعي ..... لالالالالا انا ما ابي الموسيقى بس ابي الاغنية الكاملة الي محد غناها !! ........................................... و انا اقول شنو هالمرشح الي عنده رنات بعد !!! هذا شكلة راح يدش المجلس و اهو امغمض عينه و قعد اسبوعين على هالحال آخر شي طلع الحبيب مسلسل تركي مدبلج حق سوري و ينحط على قناة سعودية !!!!! شسالفة :@ .... المسلسل اسمه نور و نور طلعت بنت مو ولد  هذه نور على اليمين و يمها بطل المسلسل مهند ...اللللللللللله اسمه حلو انا بعرف الكويتيين ليش دقة سلف !! ليش كل ما تطلع مسلسلات مثل المسلسلات المكسيكية و الاسبانية يقعدون يتكلمون و يهبون هبه مو طبيعية يسوون نفس تسريحة شعرهم و يلبسون نفسهم و يغيرون اساميهم....! الحين تطلعلك بقالة اسمها نور ... و صالون نور ... و قهوة نور خدمة نور من زين... مياه نور النقية ... قرض نور من بنك التمويل ! منتدى نور ... NoorQ8 ... عاشق نور .... al7a banota noor وين رايح ؟ والله رايح شارع نور ... مسرحية نور و الاقزام السبعة ... نوووووووور أقصد يماااااااااااااااااا خلالالالالالالالالالالالالاص !!! كل شي صار اسمه نور !!! .............. صارت سالفة صغيرة مع صاحبي .... ضايف بنات بالمسنجر و كل ما يسأل وحده شنو اسمج اتقول اسمي نور ... الللللللللللللللللللللللللله صار موديل الحين نور يعني الحين الي يبي يضبط وحده يروح يقولها انا اسمي مهند ... الله اسمك حلو ابي رقمك المهم انا ما انتقد الشي الا لمن اكون متأكد منه علشان ما اظلمه ... طالعت جم حلقة من المسلسل و علشان اواكب الشعب الكويتي ... قلت حق اهلي يقولونلي القصة ... القصة و ما فيها اهيه 4 مصطلحات !! رد لها - انفصل عنها - زاوج - طلاق ... اخترص هذه المصطلحات في كلمة واحدة نور اي والله شنو اكو بالمسلسل غير الزواج و الطلاق حبها كرها حبته كرهته لي متى طلاق و زواج !!!! خلاص غيروا !!! هذه اشياء كلها متكررة في مسلسلاتنا الجميلة الكويتية الي راح اكتب عنهم بعدين!!! و اطب فيهم عدل ! شوفوا برزون بريك او لوست ! طالعو شي يديد ! شغلوا مخكم مع هذه المسلسلات العالمية الى اتوقفكم على حيلكم !! اتشدكم عدل !! فيها ذكاء و شي عمركم ما راح اتفكرون فيه او اتشوفونه |
posted by Mr.Objection at 3:13 م
عاش الناقد الفني لحديثي الولاده لووووووووووووووووووووووووووول والله ضحكتني طلعت ما اتعرف نور ولك يا صديقي هذه الي راح تشفعلك عند شعب الجديد عشان يقبلونك واتسير واحد منهم فاذا ما اتعرف نور اقولك اياها باللغه العربيه ( اذا تجوز عليك لعنه الكول والقزيزه اجمعين ) فلازم اتعرفها وتعتصم في حبلها عشان تنجو ويتم الرضا عنك لولني ولد عمييييييييي
السلام على نور و على مهند جوز نور و على يحيى بو شنب و على لميس و على من يشاهد المسلسلات التركيه
لووووووووول وناسه انت اول شخص تنتقد عليهم والله الحمدالله اكو احد غيري ملاحظ هلشغله بالكويتيين.. اذا هبوا ايهبون بهبه تعصف بالكويت كلها والله شي ايبط الجبد و المسلسل وااااايد معطينه اكبر من حجمه.. و انا ماشفته ولا اتمنى اشوفه شنو هذا كل من قال مع الخيل يا شقرا والله حلاو مادري ككاو.بس بعد هذولي الكويتيين نحب الشحاطه. انا بس خايفه من شي واحد و اهوا لما مهند ايزور الكويت والله شبيقول عن هلاقه البنات مادري.. وييه الله يستر
انا بعد ا عجبني المسلسل احس للحين ما اتقبل التركي + انه ماكو قصة
ما ادري الناس شلووون يحبونه
بس اهي موضة و راح تروح