الثلاثاء، 8 يوليو 2008
ادمان بأرخص الأثمان ...و حلال !
هذا الموضوع حساس وايد....! و يمكن راح يسير طق و ذبحة و دم و حرب و صواريخ و يمكن بعد نسبة 99% راح يحقدون عليي ! انا ما ادري شنو راح يسير بعد ما اكتب هذا الموضوع و انشاءالله يمر هذا الموضوع على خير :P ............................................................................ اعتقد في المواضيع الي طافوا ذكرت وايد اشياء عن الناس الي مو ملك نفسهم بمعنى ... ان في ناس يقلدون و يهبون بالشي و اهم ما يعرفون شنو اضراره او يمكن حتى ما اتكون رغبه او حب او حاجته حق الشي نفسه او يمكن يسوي الشي و اهو ما يدري شنو قام يسوي و هذا تثبت نظريات كثيرة و منها نظرية الادمان الحلال و المدمنين بالكويت وايد ...وايد وايد واااااااااايد !! ادمان اكثر من المخدرات مدمنين القهوة ... نسبة الادمان بالكويت 99.999% هذه الايام نسمع وايد عن القهوه و عدم مفارقتها صارت القهوه شي اساسي بحياتنا .. و اهيه مو جذي صارت الكافيهات محطات الوقود الي اتعبي للناس القهوه وانتشار هذه الكفيهات بكل 10 متر معناته ان احنا محتاجينها القهوه اكثر من ماء انا اعتقد ان قبل سنة 2000 ماكان في الادمان بالقهوه و انتشار هذه الكافيهات بكثرة و بعد هذه السنه صارت القهوه مديل الكل قام يشربها و طبعا كل واحد صارعنده نوع خاص فيه من القهوه... مكتوب باسمه هذا النوع وانواع القهوه وايد فرنسية - عربية - تركية(قهوة نور) - سورية - لبنانية - امريكية - برازيلية - سودانية - شرقية - غربية آسوية قطب الجنوبية بحرية قمرية مريخية يبنشيلالمنتياسنلتبا يبرليسل... آخر نوع الكطفحلئيخية انا ما اعرف الا 3 انواع و الي لقيتهم عندي بالبيت...و الي اهم  اقدم لكم طبق المدمنين القهوه الفرنيسة اول وحده على اليمين و بودرتها ناعمة حييييل!! حق التنشع :P الوسطية القهوه العربية لازم اتكون دفاشة في اوراق شير صغار بعد :ٍS يعني نفس الحشيشة !! اتسويها زقارة و الاخيرة القهوة التركية هذه القهوه اتكون ثقيلة حيل !! هذه لازم ابرة!!!  الله عل مزاج ... !! تاخذ ابره على الريج و اتسير سوبر مان  لا تنسى تفريغ الهواء من الابرة...! هذه ايدي الجلحة!!!!!!!!!!!!!!!!!!!! يمكن فكرة ان القهوه تشبه المخدرات صارت واضحة اكثر لأن القهوه تحتوي على الكافيين والي يسبب هذا الادمان بحثت عن اضرار ارتفاع نسبة الكافيين و لقيت داخل هذا الموقع العجيب علامات ارتفاع نسبة الكافيين ظهور الأعراض التالية : · العصبية الزائدة و الهيجان و الصداع و صعوبة التركيز و النسيان. · زيادة في معدل ضربات القلب و الشعور بالخفقان. · القلق و الأرق و الإكتئاب و الإرهاق و الرعشة. · الإضطراب العام و اضطراب المعدة وحرقة الفؤاد . · عدم انتظام ضربات القلب و ارتفاع ضغط الدم. · ارتفاع مستوى الكلستيرول في الدم. · تبليل الفراش. انتوا ركزوا على آخر وحده !!!!!!!!! :) روووووح ... عيل شكلة نسبة 99.999% من الكويتيين امسوينها و اشلون يقولون ان القهوه اتهدي الاعصاب ؟؟ " ولد عمي خل ناخذ فنيان قهوه و انعدل المزاج " و ييلك واحد اتقول صج مدمن " ابي قهوه تكفا الله يخليك اخذ ساعتي اخذ ملابسي بس تكفا قطرة قهوه " و تلقاه يتحكك و يرجف شنوالناس قام يقصون على نفسهم ؟؟ و الحين الكافيهات صاير مديل و كل واحد عنده كافيه ما يروح غيره " والله انا ما احب ستاربوكس... احب ستار باااااكس " و ييلك واحد " انا ما احب غير ستار باكس مال العديلية " يعني الحين افرقت بين العديلية و المناطق الثانية !!! و يليك واحد صوته وصواصة " خو قلبي ... انا ما احب ستار باكس ... احب كوستا " و البنات !!!! كلهم مع بعض " احنا انحب ستار باكس مال الافينيوز...بنكنا الوطني" طبعا البنات وين الزحمة و وين الاماكن اليديدة و الغالية يروحون و الحين فاتحين منتديات حق الي يشربون قهوه بس ...!!! يعني شنو يبون يناقشون فيه عن القهوه .. بس اشرب قهوه و خلاص يعني تبي اتنقاش بأي اييد تبي تشرب القهوه ولا الفنجان عود او صغير!!! ولد عمي نكي عاشق القهوه ... انتوا عبالكم انا اجذب لمن اقول عاشق و عاشق و عاشق ؟؟؟ دشوا اهني و شوفوا http://www.bdr130.net/vb/t120169.html لا يضيق خلقكم يا جماعة تره كلها قهوه و هذا كله مجرد راي و مو اكثر طبعا بعد هذا الموضوع ما ادري شنو راح يسير فيني و من باب الاحتياط الواحد يكتب وصيته :p |
posted by Mr.Objection at 11:26 ص
لوووووووووووووووووووووووول
طول ما انا قاعدة اقرا الموضوع اضحك
الحمدلله ما اشرب قهوة :)
خوش صور :)
يا مستر صبجكت انت دكرت في الموضوع الي تفضلت فيه اضرار القهوى لكن في نفس الوقت لم تدكر فوائد لي القهوى بمعنى اخر هناك سلبيات و هناك ايضا في نفس الوقت ايجابيات يعني ما يصير تتطرف الى موضوع السلبي و تترك الايجابي لازم تكون ديمقراطي مو دكتاتوري عنصري متحيز الى موضوع واحد و تريد ان تستفز الاخرين الاسلام لم يحثنا على هدا و لا على ان تكون من انصار صدام الدكتاتوري عليك الان ان تصحح الموضوع و تكتب ايجابيات للقهوى انا دكتور في علم القهوى و عندي اكثر من خمسين بحث حلوه هدا الموضوع انت مجرد موظف جديد حتى سبوع ما صارلك احترم نفسك احسن لك
لووووووووووول
حده حلو الموضوع بوجاسم ..
ماتوقعتك ابتتكلم عنه بالطريقه هذي .. ماشاء الله عليك فنان وناقد محترف كطفلئخيح <<< مادري صح ولا غلط :D
والحنطور ( معارض للمعارضه )دام موعاجبه الموضوع شكو راد عليه لوع جبدنا ولد الامعارضه
ههههههههههههه والله انك صاج
الحمدالله انا ماشرب قهوه هههه