الاثنين، 21 أبريل 2008
كذبة ابريل بالكويت
طبعا كذبة ابريل المعروف ... مو عندنا بس عند الاوربيين! طبعاًُ الجذب معدوم بالكويت ... بحثت عن تاريخ الجذبة لمدة دقيقتين و عرفت انه الجذبة بدت في فرنسا عام 1564م و بعدين انتشرت في بريطانيا و اذا انتشرت في ابريطانيا يعني انتشرت بالعالم المهم ... لقيت جذبات حلوة و تصلح انها اتكون جذبة بس بذكر لكم وحده و اذا كنتوا تبون الباجي في هذا الرابط (رابط ولد عمي ) http://www.museumofhoaxes.com/hoax/aprilfool في عام 1976 اعلن العالم الفلكي باتريك مور في الاذاعة البريطانية ان في الساعة 9:47 مره وحده في العمر راح يمر كوكب بلوتو ورا كوكب المشتري وهذا يسبب تقليل للجاذبية الارضية مؤقتاً , و اذا طمرت راح اتحس انك قام اتطير , و لمن صارت الساعة 9:47 الBBC قامت تتلقى اتصالات وايد !! ناس قام يقولون حسينه ان قام انطير ... وناس يقولون احنا ليلحين قام انطير و متعلقين بالهواء طبعاً هذه من افضل الكذبات عندي ... بس !!!!! الكذابت بالكويت غيييييييييييييير .... كذبة ابريل شنو اهيا : كذبة لا تصدق كلش .. بس بالكويت كل يوم عندهم جذبة ابريل.. شهر ابريل مدتة لي طول السنه الكذبة الاولى : و اعتقد انها قديم اشوي و مليقة و اكثر الناس ما يدرون عنها ... حاطين واحد متين بالجريدة و يقولون هذا الريال حامل بالشهر 6 او 7 ... والله حامل بالفلوس .. من كثر ما ياكلون حق الناس قاموا يولدون انواط والكذبة الثانية : حاطين بالجريدة هطول امطار و هذه الامطار تسبب عقم حق اليهال طبعا الامهات : " اشلون ما اخلي ولدي ييب ضنه " على طول كل وحده راحت خذت ولدها ...و كل طايح براس الحريم لأنه اكثر ناس يصدقون و بدون تفكير الكذبة الثالثة : اعتقد سنة 2006 اهم حاطين بالجريدة انه روسيا رصدت مكوك فضائي مر فوق الكويت ... طبعا الناس اسحبوا على هذا الموضوع و محد استفسر عنه و يدرون عنه ان الجارايد كله جذب بجذب ... اي عاد الصحن الفضائي هد الدنيا و مر فوق الكويت و اختفى.. من كبر الكويت و المساكيت في ناس يصدقون الكذبة و الاملق على الاطلاق : برنامج " بيتك " على تلفزيون الكويت يعني انت مالقيتوا جذبه الا باسقاط القروض .. هذا الموضوع الكويت كلها تتلكم عنه و يعني خبر يمكن يسير او لأ ...طبعا الي يبب في بيتهم و الي طار مثل جذبة BBC !!! انا اقول ليش ابوي قام يسوي العجلة بالصالة...! و الكذبة 2007 : من جريدة الوطن ام الفتن حقل برقان بس ما ادري اذا صج او جذب و هذه كذبات الاعلام... و الكذبة الاخيرة : في جريدة الراي العام ... انا بعرف في شهر ابريل وين الناس يودن مخهم ؟؟؟!!! اعتقد شهر ابريل مختارينا عدل  كل هذا علشان اتصيدون الرياييل ؟؟آه من الحريم بسرعه ينصادون ...و مساكين الحريم مسكوهم من الايد الي تعورهم الخيانه! .. والله لو مو كافاشتو لو اتحطون الي اتحطونه ماكو فايده هذيله رياييل !!!!! بس بيني و بينكم الراي العام حاطه كل شي من عندهم ...الناس الي راحو الصيدليات و التعليقات الي بالموقع لأنه تعليقات الناس مبالغ فيها ... هذا اعلام يحطون الي يبونه و احنا ما ندري ...! المهم اذا كان صج لا حوله ولا قوة ...! وغير جذبات العشب ... واحد يطرش مسج امك ميته !!! شسالفة يعني الانسان ما يموت هذه بعد جذبة واحد يدق عليك انا امسوي حادث و ميت ... عيل اشلون متصل يا غبي ! و بالانترنت يحط في التوبك ماله بالمسنجر صاحب الايميل توفى ... عيل اشلون داش و يسولف معانا... حتى ما يعرفون يجذبون الاقتراحات : " وضع قانون بالكويت الي يجذب عليه مخالفة " طبعا ماراح يصدقون و راح يحطون على طول .. و بعد جم يوم راح يرفعون سعر المخالفة الجذب Señor.objeción |
السبت، 19 أبريل 2008
الـشـبـاب .... اشفيهم ؟؟
الافـتـتـاح
السلام عليكم ....و حياكم الله :] تم افتتاح و باذن الله اول موقع للمعارض و الاعتراض على كل شي انا واحد اعترض على الناس و اعترض على كل شي ... حتى اوصل حق نفسي و اعترض على نفسي علشان جذي يسموني : " مستر اعتراض " هذه الافتتاحية لازم تقرأها عشلان اتعرف شنو ابي بالضبط يعني على قولة المثل مع اني ما احب الامثال : " لا يعجبه العجب .... " و اتنمى منكم الردود الحلوه... الي تحرق الواحد كل ما يكون ردك قوي و ينرفزني ... يعني معناة ان المدونة ناجحة و انشاءالله في كلام وايد و حجي ما يخلص ... و في مواضيع وايد لازم اعترض عليها و مو بس جذي غير الاعتراضات في آخر اخبار و سوالف ثانية و على قولت المثل : الاعتراض بالحق فضيلة |
