الجمعة، 23 مايو 2008
هذا الي يبونه من حقوق المرأة ...!
اي هذا الي يبونه من حقوق المرأة ... الحريم بعد ما عطوهم حقوقهم كل وحده شاده حيلها و تبي تثبت انه المرأه الكويتية موجوده .. و منو قال لأ ! اثبتي وجودك عند ريلج و عيالج الا بالمجلس !! شنو تبين اتسوين يعني ؟؟؟ تبين تحرقين مستشفيات ثانية ؟ ولا اتطيحين التعليم بالقاع اذا الرياييل ما اقدروا ؟!!! الحريم شنو يبون يسوون ؟؟؟ المهم اهم الي يبونه من حقوق المرأه هذا !!!!!!!!!  بالله عليكم هذيله كفو مجلس اشخلوا حق الشباب والمراهقين ! طبعاً هذا الهدف من حقوق المرأة يبون وناسه بالمجلس و يبون تغير لمن تقعد بالمجلس ما اتشوف واحد لحيته لي ركبه ... او واحد شنبه جنهم خيوط لابجين و كله ريالييل رياييل ...ملل ها ؟ نظرية الشعر الي بالويه ما يبونها ..الجماعة يبون تغيير!!! يبون فرفشه بالمجلس ... يبون امثال اسيل العوضي ... يبون الleggiens طبعاً هذه النظرية غلط بالنسبه لكم ....! اشلون يفكرون جذي في حقوق المرأة و شكو يبون حريم بالمجلس علشان يخززون فيهم و يبون فرفشه بالمجلس ...وو وو وو انا كنت اقول نفس الكلام ...بــس! لمن بطلت الجريدة ابي اعرف نتايج المجلس مالقيت احد بس قام اشوف هذه الاصور!!  طبعا المنظر عجييب و جميل و حضاري و يليق في المرأة الكويتية طبعاً الدوريات اهم الي امقزرينها على بو نظام !!!  هذا شاف جم وحده راح كلمهم على طول ... ممنوع تركبون السيارة اهو ماكو شي ممنوع بس اهو قاط ويهه..الزبده يبي يكلمهم  يالله هذه حقوق المرأة ... تعطيها حقوقها طالع شنو اتسوي... و المشكله المصورين اهم الي امقزرينها يقول انا بتاع جريدة الراي و طايح تصور ببناتنا و يعطي صورتين حق الجريدة و الباجي حقه و ربعه .. و البنات مستانين بعدين يما حاطيني بالجريدة .. و الام اي يا بنيتي خلج قوية المرأة الكويتية قوية تتعلق بالسيايير نفس رجل الاخضر  عدل عدل ...هذه المصخره الي يبونها !! تطبل و ترقص و يقولونلي ماكو شباب او شرطة بالصورة البنات بروحهم صح!! ماكو احد بالصوره بس ما ادري منو امصور هذه الصوره وحاطها بالقبس !!! يدتيييييييييي !!!؟؟؟  اي اي ردونا قري ...تبون المرأة اتدش المجلس بعد الهنود ما سوو هذه الحركة !!! و انا باطين جبدي المصورين...محد يكلهم مصور يعني مو ريال ؟؟؟ يدش و يصور الي يبي محد يكلمه ؟؟؟  محد كاسر خاطري غير هذه !!! يا ابن الكاميرا ... اهيا اتغطي ويها علشان لا اتصورها ! شكو امصورها و حاطها بالجريدة ..عناد يعني ؟؟؟ ولا كاتبين بالجريدة مواطنه متوجهه الآن للتصويت غصب غصب يبون يحطون الصوره في جريدة القبس ..!! القبسة  هذه آخر صورة علشان اتصدقون كل كلامي !! 1- شوفوا المصري الي متغلغصبين الحريم و الرحيم ولا كأنه ريال بينهم 2-شكلها قام اتصارخ و اتغني ..ما ادري منو طالع عاد ... لا اترجعين بس 3-قام يصورونه ..ما ادري منو عاد مايكل جاكسون 4- طبعا صاحبنا هاد الرياييل و طالع حق الحريم !! و طبعا مستانس صاحبنا حددددده ...مو هذا الي يبونه من المجلس يتيمعون عليهم الحريم ................................................. هذه الصور الي انا طالعتها بالجريدة ... المفروض يحطون اسماء الفائزين مو تارسينلي الجريدة كله صور حريم !!! انزين صوره وحده حق الشباب ...ماكو ! و هذا الي قام اقوله انا .. يبون حقوق المرأة علشان لمن اتبطل الجريدة الصبح اتطالع الويوه الحلوه و اتطالع الجنس الناعم على قولتهم تنفتح نفسيتك ...و لمن تطلع بالشارع اتطالع البنات يوزعون صور و ورد و لمن اتدش المجلس في الوان ثانية مو كله لون ابيض اي هذا الي يبونه من حقوق المرأة ... ما يبون المرأة كلها يبون البعض منها حقوق المرأة الصيدة! |
الأحد، 11 مايو 2008
I AM LEGGINS...!
 I AM LEGGIENS فلم جديد يتكلم عن الموديل اليديد الي يتكشخون و يفتخرون في البنات هذه الايام ...! الفلم بطولة بنات الكويت ( مو كلهم ) ... اخراج مارينا مول و باجي المجمعات ... قصة الفلم هي ان بنات السوق يحاولون يغيرون الشباب الطايشين بأي طريقة ... و الشباب زومبي وراهم طبعا احنا الحين موسم الاغراءات ... موسم الصيف ! و البنات في هذا الموسم يبدعون ... و حتى الشباب ... بس البنات اكثر :P طبعا هذا الموديل الي بالصوره اسمة leggins والي هابين فيه البنات هالايام .. يسير نفس الاسترج و يصك على الريل صك كله وحده قام تتمشى ولا بسه الleggins و ريولها جنه ريول دياية و و لابستلي كعب اطول من حنجها و تتمشى و جك جك جك جك اتقول قاعد في نادي الفروسية مو بمجمع ...و الزومبي وراها ولا تييلك وحده امتينه لابسه الleggins اووووه قمه بالاغراء الاسترج صاك على ريلها و اتشوف طبقات طبقات .... بس ناقص يكتبون همبرجر خزان ....عليها!! و تلبسلك كعب بس مو اي كعب كعب بو راس مطرقه .. لأنه الكعب العادي ما يشيلها ... وتتمشى دم دم دم دم طخ طخ و الثريات اتطيح و الجام يتكسر ... انا ما ادري اشلون صايرين هالبنات .... انتي لابسه هذا اللبس لج ؟ و لا للشباب ؟؟ و لا للاثنين ؟؟ ولا قام اتسوين دعاية مطعم ؟ و الشباب هابينلك في موديل بعد ... موديل لويست هذا الموديل السخيف و الشباب اسخف منه لانهم قام يلبسونه... طريقته انه ينزل البنطرون لي ركبه و يبين السروال الداخلي و بس هذا اهو الموديل الخباز .. مثل الي بالصورة
ما ادري يعني ليش تبينا انطالع شنو لون سروالك .... و متكشخ ويدش المجمعات و يتمشى و امطلع سرواله الداخلي عليه قلوب حب ... يعني شوفوني انا من بره حب و من داخل حب ...!! ولد عمي انا كلي حب بحب بس قالوها عيال رميثية : باند سيا سفيد ناميشى ولو اني ما احب الامثال ................................................................................. i am leggins اسم الفلم ياي من i am legend مصدر الصورة rachel-b's مع اشوية اضافات من عندي .... |
الأربعاء، 7 مايو 2008
امرأة خبيثه .......!!!
 آآآآآآآخ .... صدق الشاعر و الحكيم ( مستر اعتراض ) لمن قال : وراء كل مصيبة عظيمة امرأه خبيثة....!!! يعني مصطلحات الخراب و الدمار و الخبث في هذه الصورة ........! انا اعتقد انه بداية النهاية للكويت على ايد هذه الامثال من الحريم هذه المرشحة الامورة طيبة ابراهيم مرشحه روحها علشان تعزل الدين عن الدولة !!!! يا عجوز الشمطاء المشكله امسوية تفخ بعد !!! انتي يايه على آخر عمرج تبي تعزلين الدين عن الدولة ... انت بعد يومين من الاتخابات اتموتين!!! يايه علشان الشباب يصوتونلج تبين تعزلين الدين..! اتعرفين يا خبيثه انه بعض الشباب يبونها خاربه ..و يبونها فري !! بعض الشباب ؟؟؟ اذا مو بعض الشياب و العيايز امثالج...! و امتعبه روحها و طالعتلي في قناة الوطن ام الفتن و اتنقاش روحها ... المذيعه المسكينه مو قادره تتكلم في مرشحين يبون يتكلمون الساحره ماخذه الجو حقها و المشكلة قام اتدافع و اتحاول علشان بس تعزل الدين عن الدولة ...!! هذا الهدف الاول من المجلس ولا الهدف ثاني : اتقول تبي اتساوي بين الريال و المرأه في الميراث ... يعني نصيبه الريال من الورث نفس المرأه!!! ملاحظة : ( الريال يعني الرجل .. مو يدشون ناس من السعودية وش ذا ... وش علامك مع الريال السعودي ) اشفيها رونالدينهو .. اهدافها عجيبه..! انتي بكيفج اتساوين بين الريال و المرأه... انت يايه تلعبين في شرع الله(استغفرالله) ...والله معطينها ويه وايد...!!! بس الشره مو علينا .......... هذه المرأه الكويتية الي اذبحونا فيها .... كل وحده داشتلي علشان هدف سخيف و كل يوم طالعتلي وحده المرأه الكويتية و المرأه الكويتية ... المرأه الكويتية شنو تبي اتسوي ما غير اتخرب و اتعفس الديره .. ولا وحده سوت لنا شي ... الي امطيحه التعليم بالارض.. الدول الثانية ما يعترفون في جامعه الكويت لأنه تعليمنا وايد وايد احسن من تعليمهم....!! و الثانية احرقتلي مستشفى و انسحبت على طوووووول ... لول انا حطيتها قاعده يا جماعة ... ولازم اتحطونها في راسكم عدل كل مصيبه و كل خراب وراه مرأه ... وراجع التاريخ !!! وراء كل مصيبه , امرأة لا ترضى الا بمشكلة عظيمة و بعد جم يوم من الانتخابات لازم انطالب بازالة دواوين جاي الظحه ... مثل ما شالو دواوينا خل يشيلون دواوينهم ! انا ما احب اتكلم وايد حلو الكلام يكون اشوية... و اخاف اقول شي زياده ...يطب صاروخ بالغلط فوق بيتنا (بالغلط ) |
الأحد، 4 مايو 2008
مسلسل بريزون بريك .....بالكويت!
 مسلسل جديد: قصه ليست منطقية ولكنها حقيقة ... قبيلة تدخل أمن الفروانية تريد ان تخرج ابناءها من السجن بعد ما انتصرنا على مسلسلات امريكا ....و لتأكيد ان الكويت قادره على انتاج مسلسلات ! اثبت المطران انهم الافضل في التمثل ! اتقول القصة الي اهيا صارت امس في تاريخ 3\5\2008 ان قبيلة المطران اهجمت على امن الفروانية و يبون يطلعون اهلهم الي تم ايقافهم بتهمة الانتخابات الفرعية بعد ما اكبسوا عليهم و معاهم صندوق انتخابي ...و المسلسل بطولة أمير قبيلة مطير فلاح فيصل الدويش و والمرشحون للانتخابات الفرعية اضافة الى المرشح من غير المشاركين في الفرعية النائب السابق الدكتور ضيف الله بورمية و القصة هي ان اشلون ابطال القصة يدخلون امن الفروانية بدون علم اي من الاعلام و الشرطة علشان يطلعون اهلهم و الصندوق الي في الاصوات .. الفلم حاز على 1000 صوت في شباك التذاكر الكويتية اقرى الخبر كامل في الراي العام  هذه احد لقطات المسلسل ... يقفون ابطال المسلسل على سيارة الشرطة... والله على تجمعهم هذا ياهل واحد يقط جراقي ... تلقى الساحة فاضية .jpg) و هذا الصندوق الي حاطين في الاصوات .... يمكن امير قبيلة المطران حاط وشم على جسمه علشان يطلع الصندوق الله يستر من الموسم الاول من مسلسل فرعيات بريك .... بعد يمكن يطلع مسلسلات و افلام ثانية...! |
الخميس، 1 مايو 2008
Happy HandFree
مخالفة ....غصب !
 هذه قصة بسيطة تدل على .... انتوا اتعرفون ! كان في واحد مسكييييييين اسمة عبد الرحمن .... و صاحبنا عبد الرحمن كان راجع بيتهم بعد ما اشتغل طول اليوم ... و اهو راجع بيتهم و كانت الساعة 2:30 صباحاً ... سمع صوت الدورية وراه .... فعد يتلفت عبد الرحمن ولا ماكو غيره بالشارع وقف عبد الرحمن و جان ينزل حق الشرطي... الشرطي بدون كلام ولا سلام : ابي اخالفك عبد الرحمن : ليش انا ما سويت شي الشرطي : المهم ابي اخالفك عبد الرحمن : خالفني و امري لله الشرطي : ليش دايس ؟؟ ابي اخالفك مخالفة سرعة ! عبد الرحمن : سيارتي ما اتدوس اكثر من 80 الشرطي : ليش مورابط حزام الامان ؟ عبد الرحمن : ماعندي حزام امان الشرطي : قام تتكلم بالتلفون و انت قام اتسوق ! عبد الرحمن : انا عندي بيجر ما عندي تلفون الشرطي : و قام تتجاوز السيارات عبد الرحمن : ساعة 2ونص ماكو سيارات بالشارع الشرطي : ممممم ... كسر بالزجاج الامامي عبد الرحمن : ماعندي زجاج امامي الشرطي : و ليش طايف الاشارة ؟ عبد الرحمن : ماكو اشارة في الخط السريع الشرطي : بخالفك على عدم التقيد في الخطوط الارضية عبد الرحمن : ماكو خطوط ارضية كلهم ممسوحين الشرطي : خلاص ابي اخالفك ذهاب و ايياب بدون سبب عبد الرحمن : انا مو داش دوري ابطال.. الشرطي : عطني الاجازة و الدفتر عبد الرحمن : تفضل ...! الشرطي : شنو الاسم الاخير ؟ عبد الرحمن : انا اسمي عبد الرحمن خان القندوزي ..و انا افغاني بابا الشرطي : اها !...عيل انا بخالفك لأنه انت قام اتسوق سيكل بو قاري في خط السريع ... بالاضافة جميع ما سبق من المخالفات عبد الرحمن : ....! |
